2009/06/26

تغوووور !!


الصحبه فى ليـلك صحــرا
ورمال .. وصخور

وعنيـــكى تشــع صــــــفار
وشرار .. وشرور

وكلامك صـــــوت بلامعنى
لفــاف .. بيــــــدور

وان قـال .. ينطـق بالكـدب
وشــــــــهـــادة زور

الضحكه الغناجه بفجاجه
قاتـل .. مأجــــــور

غـلـطـك .. له تبريـــــر
ذنـبـك مغفــــــــــــور

وانا .. لو بس همست
ما ابقـاش معــــــذور

مش عايز دنياكى ( ياملاكى )
الجنه تهون لو تبقى معـــاكى

ترخص ...
وتغـــووووووور !!!!

هناك تعليقان (2):

الشيماء يقول...

او تخرج من جنتي ملعونا
يتبعك حبي وجنوني؟؟؟!!

على رايك تغوووور
ماهو كله غاير
ورخص المشاعر
واللليل ضفاير من صمت سومة وفيروز
قبور
كله يغور
ولسه مغرب واحلامنا قالك فجرا ونور !!
ياخي ف داهيه بكره وبعده , وبعد بعده
كله يغووووور
وجتتنا راجعه طافيه ومالحه
بمية بحور!!!!



وبلاش شكورا ...على المتابعه ...
لو كان ضروري
قرص لجايع رحمة ونور

محمد حموده يقول...

( قرص لجايع رحمه ونور ) !!!!!!
ههههههههه
يخرب بيت القافيه لما بتحكم وتتحكم ..

ماشى ياستى .. بلاها شكور .. ونفرق قرص .... بس ماقولتيش قرص ايه ؟؟!!
كملى الروشته يادوك .