( المركب بتغرق ياقبطاااااااااااااااااااااااان )
القبطان راكب راسه
بارد وعنيد ولا على باله
متحاوط بكلاب حراسه
يقدم ؟ بيشد فى غرباله
ولاهمه أهله ولا ناسه
عجز ؟ بيدرب أشباله
ايه المشكله لو فقرا
راكبين القطر اتحرقوا ؟!
ايه المشكله لو فقرا
جايين من غربه وغرقوا ؟!
مصر الولاده مليانه
وبليانا - بنت الكلب - بحرافيش
ايشى عايز يتعالج وايشى يتعلم
وايشى عايز شغل .. ومم مافيش
كدبوا علينا الكدبه .. وخالت
قبطان .. قرصان مش فارقه كتير
للعداله كفه .. مالت
قشه جابت داغ بعير
والدما ع الارض سالت
م الورود جف العبير
والزمام سايب وفالت
يابلد مالهاش كبير
