اقفل بابك .... واطفى النور !!
عيش فى الضلمه تعيش مستور
واعمل بنصيحة اخوانك
اصحاب الفكر الوطواطى
انزل تحت الارض .. وطاطى
ياجنرال الفكر يا اسطى
مفعول به .. منصوب بالواسطه
اتجمل واكدب على ناسك
ايش تعمل وياك الماشطه
والكلمه الحره على لسانك
ملضومه بأستك مطاطى
انزل تحت الارض .. وطاطى
وانت يامولانا .. وياشيخنا
ياعلامة استفهام فى تاريخنا
انت معانا ؟؟ .. والا علينا ؟؟
والا الكرباج اللى سا لخنا !!!
لابس دقن ..
راسم على وشك تكشيره
صارلك شأن ..
كاتب على فتاويك تسعيره
وتطلع من جيب قفطانك
فتوى تحلل جور سلطانك
سبحان الوهاب العاطى
انزل تحت الارض .. وطاطى
وانت ياوالى .. ياللى فـ بالى
يامملوك للباب العالى
من حقك طبعا .. تتفرعن
طول ماالناس بتقول (وانا مالى)
ياللى شايفنا قطيع .. أو رايش
وبترميلنا بواقى فتات
ونهتف يعيش رئيسنا اللى عايش
ونلعن أم ابوه لو مات
ظلمك لى سبب احباطى
انزل تحت الارض .. وطاطى
وانتو ياناس .. ياعموم الناس
النص عبيد .. والباقى حراس
الذل مغير تفاصيلكم
والقهر مزلزل مفاصلكم
حتى أصيلكم .. بقى خده مداس
تغرقوا .. وتزغرد بقاليلكم
والصبح الصابح .. بقى ليلكم
أنا جايلكم وانا كلى حماس
انتوا ياناس .. انتو الشعب
فى الحسابات الرقم الصعب
بينكو وبين العيشه الحره
كلمه وثوره وفركة كعب
ياتفكوا رباطكم ورباطى
ياننزل تحت الارض .. نطاطى
عيش فى الضلمه تعيش مستور
واعمل بنصيحة اخوانك
اصحاب الفكر الوطواطى
انزل تحت الارض .. وطاطى
ياجنرال الفكر يا اسطى
مفعول به .. منصوب بالواسطه
اتجمل واكدب على ناسك
ايش تعمل وياك الماشطه
والكلمه الحره على لسانك
ملضومه بأستك مطاطى
انزل تحت الارض .. وطاطى
وانت يامولانا .. وياشيخنا
ياعلامة استفهام فى تاريخنا
انت معانا ؟؟ .. والا علينا ؟؟
والا الكرباج اللى سا لخنا !!!
لابس دقن ..
راسم على وشك تكشيره
صارلك شأن ..
كاتب على فتاويك تسعيره
وتطلع من جيب قفطانك
فتوى تحلل جور سلطانك
سبحان الوهاب العاطى
انزل تحت الارض .. وطاطى
وانت ياوالى .. ياللى فـ بالى
يامملوك للباب العالى
من حقك طبعا .. تتفرعن
طول ماالناس بتقول (وانا مالى)
ياللى شايفنا قطيع .. أو رايش
وبترميلنا بواقى فتات
ونهتف يعيش رئيسنا اللى عايش
ونلعن أم ابوه لو مات
ظلمك لى سبب احباطى
انزل تحت الارض .. وطاطى
وانتو ياناس .. ياعموم الناس
النص عبيد .. والباقى حراس
الذل مغير تفاصيلكم
والقهر مزلزل مفاصلكم
حتى أصيلكم .. بقى خده مداس
تغرقوا .. وتزغرد بقاليلكم
والصبح الصابح .. بقى ليلكم
أنا جايلكم وانا كلى حماس
انتوا ياناس .. انتو الشعب
فى الحسابات الرقم الصعب
بينكو وبين العيشه الحره
كلمه وثوره وفركة كعب
ياتفكوا رباطكم ورباطى
ياننزل تحت الارض .. نطاطى
