بتدور على ايه حواليك
مالك كده حيران .. زهقان
متكحله بالحزن عنيك
دى القسوه ماتحلبش حنان
حاسس ان اوانك فات
وبتسرق م العمر اوان
عايز تبقى سعيد ( هيهات !!)
ولمين ح تسيب الأحزان
قول : انا حر .. وانت أسير
وانت كسير قول: انافايز
اهمد بقى خليها تسير
عيش زى ماغيرك عايز
هناك تعليقان (2):
اخره ضمة الاوجاع
سكوت ساقع ...
****
اسية لحظة الاعتراف
ومجبور تخاف
لكن صوتك
ببحة الاشتياق مخنوق
واياك تفوق
من سكرة الانهزام
لان الوعى بالمفقود
قيود
بتشدك لروحك
يسكت بوحك
قطمة ضهرك مخلياك مش شايف
الا اللى تحت رجليك ..
اللى دابت تعب
وعينيك مش قادرة تشب لفوق
من طوق لطوق
فطرتك تسليم بفرح
مش جايلك
و مصيرك ضباب
يا بخت اللى غاب
ماتعرفيش ان التعليق لمايكون اعمق من النص ... بتحرجينى ؟؟؟؟؟
انا محروج !!
إرسال تعليق