مخنووووووووق

وانا مخنوق ..
ما بابصش فوق
ومايفرقش معايا شروق
ولا يحلالى كام نجمايه

وقمر بيلالى ف كبد سمايا
اصل النور .. اصلا يعنى
مطفى ... جوايه


وانا مخنوق
اجمع هلاهيل الروح والوجد
وياخدنى الجزر لموج يغلبنى
لا انا قادر اعوم ولا طايل ارض
واقفل على روحى باب ورا باب
يفضللى يادوب التوب ع القد
ولا احبش حد يشوفنى
ولا اشوف حد
وكل هزار بلاطعم بيقلب جد


وانا مخنوق
ابعد عن اى زحام
واتكور على نفسى
وكأنى مخبى أسايا فى عبى
واتكفن بمشاعر بارده بليده
وأنام
زى علامة لاستفهام
أناااااااااااااااااام