يابختك ياعم ..

كل ماحد يشوفنى يقوللى
يابختك بجمــالـــها ياعم
فاكرين انى معاكى تمللى
متهنى وغرقان فى نعم

مايعرفوش ان جمـــــــالك
دعوه عليكى مش دعوالك
غرك .. وغـير أحــــوالك
وجنيت بدال اللـذه ألـم

حسبوا الجمال عين وشفـــايف
وقـد ع العشــــــــــــاق لايـــف
ولايسوى شىء لو مش شايف
طيبه ورقه وخفة دم

جمـــالك اللى يشــد النــــــاس
صوره وخاليه من الاحساس
والشكل عمره ماكان مقياس
الطبع بالنسبالى أهم

الدنيا فيها جمــال ألــــــــوان
جمـال يزول بتاريــخ وأوان
وجمال بطول عمر الانسان
يشفى القلوب ويزيل الهم