لا مهاود روحك ع الترحال
ولاقابل تركع للتمثال
النور شواف ..
وانت الخواف
لابد تحت رهافة جلدك
تستقبل .. ولافيش ارسال
ولاقابل تركع للتمثال
النور شواف ..
وانت الخواف
لابد تحت رهافة جلدك
تستقبل .. ولافيش ارسال
ولا اخد وعطا
جواك لخبطه
اسمك .. هنا
فى اللوح مكتوب
واحد من مطاريد الحلم
ومقضى باقية العمر هروب
ولا جاهل .. ولا عندك علم
الناس .. والا انت المكروب ؟
سلمك حرب .. وحربك سلم
مليت سفسطه ....
جواك لخبطه
وسنين راحت
وسنين جايين
واقف ددبان على سور الحزن
انت السجان .. وانت المسجون
والناس .. طوابير مشتاقه لحضن
عصفور الجنه .. وغراب البين
عايشين لاتنين على نفس الغصن
والناس محبطه
جواك لخبطه
هناك تعليق واحد:
جواي لخبطه
فعلا لخبطه
مجرد دفاع --ده هجوم دفاعي
ضد الشعبطه
وضد الشعوطه
وضد اللي شايف ان ال برايه خطه مخططه
عدله مزبطه
اضبط نظارتك
تلاقيها العكس
جواك الصح
براك اللخبطة
إرسال تعليق