الواد الدحاح نجح فى الثانويه ... أمه بخرته .. ولما حد من القرايب والمعارف يسألها عن المجموع لازم تضيف رقم خمسه ... (سبعه وتسعين وخمسه من عشره مثلا ) .. وأبوه فخور ورافع راسه قدام صحابه .. ابنى حسين دخل هندسه ..
والباشمهندس رايح .. والباشمهندس جاى .. ماهو ده اللى هاينشلنا من الفقر الدكر .. ويساعد فى جهاز اخواته البنات .. واحتمال ياخدلنا شقه فى منطقه نضيفه شويه .. ومش بعيد يحجج امه وابوه ..
سنه بعد سنه .. والاحلام بتكبر .. والواد بيدوحر عشان ياخد البكالريوس ..
ونجح .. بقى باشمهندس بحق وحقيقى
البارح ... قريت اعلان فى جريدة المسا .. ( شركة حالك تطلب مهندسين نسيج .. الراتب 400 جنيه )
بس .. خلاص
والباشمهندس رايح .. والباشمهندس جاى .. ماهو ده اللى هاينشلنا من الفقر الدكر .. ويساعد فى جهاز اخواته البنات .. واحتمال ياخدلنا شقه فى منطقه نضيفه شويه .. ومش بعيد يحجج امه وابوه ..
سنه بعد سنه .. والاحلام بتكبر .. والواد بيدوحر عشان ياخد البكالريوس ..
ونجح .. بقى باشمهندس بحق وحقيقى
البارح ... قريت اعلان فى جريدة المسا .. ( شركة حالك تطلب مهندسين نسيج .. الراتب 400 جنيه )
بس .. خلاص
هناك 3 تعليقات:
لان ببساطة ما اتعلمش ...مستحق طبعا للمرتب ده على قد تعليمه
خلينا نتكلم جد على رأي الدكتور احمد عكاشة من كام يوم بيقولك احنا بنخرج مجموعة عاطلين والحقيقة يعني 400 جنيه مرتب رائع لعاطل يادوب بيفك الخط ,هو ده اللي تخرجه جامعاتنا
يوم ما يبقى معانا تعليم حقيقي فيه شركات بتدي اكتر
متأسفة صديقي اللدود ان كان ردي هيدخل ضمن نطاق خلافنا الجميل
أهلا بالخلاف الجميل ..
ماتعلمش .. يمكن صح ... لكن ده بقى ذنب مين ؟؟؟؟؟؟
الدوله عامله مدارس وجامعات تضيع عمر الشباب هدر .. ومابتعلمش لأن التعليم مكلف .. والميزانيات بالعاها الداخليه والطبقه اللى هى .. والخريج - لو لقى شغل - بيقبض اللى مايكفيش .. وبالتالى بيقضى يومه حضور وانصراف .. سبق وقلت مامعناه احنا فى دولة ( زى ) .. التعليم مش تعليم وانما ( زى ) التعليم .. والعمل مش عمل وانما ( زى ) العمل ..
يمكن ( للاسف !! ) مافيش خلاف
لكن المفارقه هنا يادوك ان الشركه قطاع خاص .. يعنى هايطفحوه الدم .. ومش هايشغلوا حد مش منتج أو مش مفيد ..
ويبيعولنا منتجاتهم بأسعار العالم ... لكن مرتباتهم لاتكفى قوت اليوم .. استغلالا لانتشار البطاله وانعدام الفرص
الدولة خلاص ياعم شالت ايدها من كله
اذهب انت وربك وقاتلا
اظن هو ده شعار المرحلة
هتقولي بدفع ضرايب ؟ هقولك دي عن الهوا ...اه وربنا
هيه كده
واللي مش عاجبه يشرب عفوا قصدي يطفح...ماعلينا
في رأيي المتواضع خلاص ماعادش فيه تعليم حكومي ومحتاجين مراجعة جادة للتعليم الاهلي اللي لازم يتعاون مع سوق العمل اللي بجد
ونعيش العمر تاني عشان نخلف من جديد ونعلم عيالنا من جديد عشان نبني مجتمع متعلم من جد وجديد
هو فيه مشكله واحده بسيطة جدا
هنجيب العمر منيييييييييييين ؟
إرسال تعليق